Autori i ekspozitës “Masakrat në Kosovë e vitit 1998-1999” Shkëlzen Gashi aktualisht po vazhdon të intervistohet në Prokurorinë Speciale të Kosovës.

Kështu bëjnë të ditur burime të KosovaPress-it.

Ndërsa më urdhër të Prokurorisë Speciale, përkatësisht Drejtoria Kundër Krimit të Organizuar dhe Krimeve të Rënda ka bastisur shtëpinë e Shkëlzen Gashit me arsyetimin se ka kryer veprën “Nxitja e përçarjes dhe mosdurimit”.

Informacionin për bastisje e ka bërë të ditur Rron Gjinovci i cili në Facebook ka publikuar edhe fotografi gjatë bastisjes.

E gjatë ditës se sotme veteranët e UÇK-së kanë protestuar kundër kësaj ekspozite e cila për disa ditë ka qëndruar në sheshet kryesore të Prishtinës. Ndërsa mbështetje financiare ekspozita në fjalë kishte marr edhe nga Kuvendi i Kosovës.

/Kosovapress/