Zëvendëskryeministri Besnik Bislimi dhe ministri i Financave, Punës dhe Tranfsereve, Hekuran Murati u intervistuan pas rrahjes së djeshme në Kuvendin e Kosovës.

Intervistimi i tyre u bë me ftesë të Prokurorisë Themelore në Prishtinë.

Burime të KosovaPressit brenda prokurorisë bënë të ditur se Bislimi dhe Murati u dëgjuan dje, derisa ftesës nuk iu përgjigj deputeti i PDK-së, Mërgim Lushtaku.

Po ashtu, sipas burimeve, bëhet e ditur se intervistimi dhe veprime të tjera hetimore do të zhvillohen gjatë ditëve në vijim.

Ndërkohë, Prokuroria Themelore në Prishtinë ka njoftuar dje se Prokurori i Shtetit ka iniciuar hetime në drejtim të veprës penale “Sulmi”, lidhur me incidentin, i cili ka ndodhur në Kuvendin e Kosovës.

Ndryshe, gjatë fjalimit të kryeministrit Albin Kurti në seancën e djeshme të Kuvendit të Kosovës, deputetë e ministra janë përfshirë në përleshje fizike.

Deputeti i Partisë Demokratike të Kosovës në drejtim të foltores së Kuvendit, Mërgim Lushtaku ka hedhur ujë në drejtim të Kurtit dhe zëvendëskryeministrit Besnik Bislimi. Ky i fundit e ka hedhur shishen në drejtim të tij. Më pas, Lushtaku e ka shtyrë ministrat Hekuran Murati dhe Albulena Haxhiun. Kjo e fundit është dëgjuar të thotë “a je normal”.

Ndërkaq, kryetari i Kuvendit të Kosovës, Glauk Konjufca ka thirrur Policinë brenda sallës së parlamentit./KosovaPress

https://kosovapress.com/admin/rrahja-ne-kuvend-prokuroria-fton-lushtakun-per-intervistim/

https://kosovapress.com/admin/prokuroria-nis-hetimet-per-perleshjen-fizike-ne-kuvend/

https://kosovapress.com/admin/%e2%80%8bkonjufca-pas-rrahjes-ne-kuvend-dite-e-rende-per-kosoven/

https://kosovapress.com/admin/haxhiu-sulmet-e-organizuara-ndaj-qeverise-u-manifestuan-edhe-me-grushta-ndaj-ministrave/

https://kosovapress.com/admin/osmani-dhuna-ne-kuvend-demi-me-i-madh-qe-mund-ti-behet-institucioneve/

https://kosovapress.com/admin/lushtaku-per-hedhjen-e-ujit-kjo-qeveri-ka-nevoje-per-freski-do-ti-padis-ata-qe-sulmuan/