Shumë vende të botës sot janë prekur nga kolapsi kibernetik.

Ky problem ka afektuar edhe Kosovën.

Kompania Kosovare për Furnizim me Energji Elektrike (KESCO), ka njoftuar se është prekur me të njëjtin problem.

“Për shkak të një kolapsi kibernetik, i cili ka prekur shumë sektorë në shumë vende të botës, ka afektuar edhe #Kosovën ku, nga mëngjesi i sotëm, të gjitha kërkesat tuaja po hasin në vështirësi t’i procesojmë te departamentet përkatëse për shkak të rënies së sistemit të IT-së”, thuhet në njoftim.

Më tutje në njoftim thuhet se Sistemi i Sigurisë Kibernetike #“Crowdstrike Global” ka lajmëruar opinionin e gjerë për një gabim në sistemin e tyre.

Rrjedhimisht, ky problem nuk është specifik në KESCO, por është problem që ka afektuar të gjitha kompanitë e mëdha globale.

Ekipet përkatëse janë në kontakt me kompanitë botërore, si #Microsoft, #Crowdstrike Global etj. dhe po punohet në zgjidhjen e këtij problemi.

Përpos, KESCKO-s, me këtë problem janë duke u ballafaquar edhe institucionet bankare në Kosovë.

Shumë qytetarë janë ankuar që gjatë ditës së sotme bankomatët nuk janë duke funksionuar.

https://kosovapress.com/nderprerje-masive-e-internetit-ne-mbare-boten