Gjykata Themelore në Prishtinë, sot ka informuar se ka shpallur aktgjykimin kundër të akuzuarit H.P për katër vepra penale.
Sipas gjykatës, H.P është shpallur fajtor dhe është dënuar me dënim unik me burgim në kohëzgjatje prej 4 vjet e 6 muaj si dhe dënimin unik me gjobë në lartësi prej 42.000 euro, të cilën shumë i akuzuari është i obliguar që ta paguajë në afat prej 15 ditësh nga dita e plotfuqishmërisë së këtij aktgjykimi.
Koha e kaluar nën masën e paraburgimit, H.P i llogaritet në dënimin e shqiptuar me burgim.
“Konform nenit 374 paragrafi 3 të KPRK-së, amët dhe atë një pistolet të tipit ‘’Girsan’’ të kalibrit 9mm, me dy karikator si dhe 166 fishek të të njëjtit kalibër, si dhe një pushkë gjuetie të tipit ‘’Super Campion’’ si dhe 55 fishek, i konfiskohen. Pasuria e luajtshme dhe e paluajtshme e përfituara me veprën penale Ushtrimi i kundërligjshëm i veprimtarisë mjekësore ose farmaceutike në vazhdimësi nga neni 262 paragrafi 1 lidhur me nenin 81 të Kodit Penal të Republikës së Kosovës së Kosovës, në vlerë të përgjithshme prej 2,528.715.34 euro, konfiskohen.”, është bërë e ditur në komunikatë.
Ndërkohë, kundër këtij aktgjykimi, palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë.
