Kryetari i PD, Sali Berisha, doli në një deklaratë për mediat mbrëmjen e së dielës pas përfundimit të primareve në këtë parti dhe rezultateve të para, ku janë përcaktuar kandidatët me të cilët do të garojë në zgjedhjet lokale të 14 majit.

Berisha u shpreh se primaret ishin një garë fisnike, e pashembullt më parë.

“Erdha të falënderoj me shumë përzemërsi ata dhjetëra-mijëra anëtarë dhe simpatizantë të PD që votuan në të katër anët e vendit për kandidatët për kryetar bashkie. Një falënderim të veçantë kam për të gjithë ata që morën pjesë në këtë garë, e fisnikëruan atë, e pashembullt e paparë ndonjëherë, mbi 20 burra e gra, prurje të larmishme, të ndryshme, por që me angazhimin e tyre e bënë garën më kuptimplotë, më të fisme, më të pashembullt në historinë e vendit. Falënderoj shumë të gjitha strukturat e PD, të gjitha degët, që u angazhuan në administrimin e këtij procesi. Falënderoj komisionin e operacioneve zgjedhore, i cili ka përballur një vëllim pune të jashtëzakonshëm gjatë këtyre ditëve”.

Më tej, ai tha se PD është forca më e fuqishme aktualisht në vend. “Dua të theksoj se sot ishte hera e pestë, që nga 18 dhjetori i vitit 2021, që anëtarët e PD folën, vendosën dhe firmosën me votën e tyre. Nuk besoj të ketë një forcë tjetër politike gjëkundi, që në një hark kohorë në më pak se 12 muaj të ketë ushtruar me të gjithë anëtarësinë e saj 5 herë votën e tyre. Kam bindjen se çdo anëtar i PD, simpatizantët e saj, ndjehen më të lirë, më dinjitozë, më të motivuar se kurrë, në idealet e tyre demokratike. Kjo forcë politike përmbysi procedurën e përfaqësimit dhe të zgjedhjes së drejtuesve partiakë, qeveritarë vendorë, të saj. PD është sot forca më e fuqishme e vendit”, tha Berisha./A2

Kandidatët e PD për kryetar bashkie

1. Tepelena        Baftjar Imeri

2.Gjirokastër      Dorjan Lani

3.Poliçan              Behar Xhaferraj

4.Skrapar             Eugen Mustafallari

5. Vau Dejës       Zef Hila

6. Selenicë          Leonard Rakipaj

7.Dimal               Gentjan Meçe

8. Roskovec        Nerdit Hazizaj

9.Kolonjë             Ethem Lumani

10.Shkoder         Bardh Spahia

11.Patos               Sofie Alushaj

12.Berat               Zija Ismaili

13.Mallakaster  Resmi Shanaj

14.Memaliaj       Albert Malaj

15.Shijak              Rezart Tushaj

16.Pogradec       Zini Tollozhina

17.Libohovë       Adil Xhelili

18.Lushnje          Edurat Sharkaj

19.Devoll             Elvis Hajdërlli

20.Kurbin             Behar Haxhiu

21. Divjakë          Aurel Malko

22.Mallakastër  Resmi Shanaj

23.Rroskovec     Erdit Hazizaj

24.Vorë             Indrit Hoxha

25.Korçë            Ledina Alolli

26.Vlorë        Hysni Sharra

27.Durrës      Igli Cara

28.Peqin       Mustafa Pashja