Presidentja e Republikës së Kosovës, Vjosa Osmani e shoqëruar nga bashkëshorti i saj, Prindon Sadriu, kanë votuar në zgjedhjet e rregullta parlamentare, në qendrën e votimit në Fakultetin Teknik.
E para e vendit ka ftuar të gjithë qytetarët e Kosovës të ushtrojnë të drejtën e tyre për të votuar.
Dita e 9 shkurtit, sipas presidentes së Kosovës, Vjosa Osmani është dita kur qytetarët japin vlerësimin për të gjithë qytetarët që i kanë përfaqësuar deri tani.
“Kosova është demokracia më e zhvilluar në rajonin tonë duhet ta mbajmë të tillë, duhet ta zhvillojmë edhe më tej dhe sot është ditë vendimtare që të gjithë qytetarët e Kosovës të japin kontribut në këtë drejtim duke marr pjesë në procesin më të rëndësishëm nga i cili determinohet parlamenti i ardhshëm, pastaj edhe institucionet tjera. Por, edhe merren vendime të cilat kanë rëndësi për kualitetin e jetës së tyre dhe për gjithë vendin tonë. Shpresoj që të gjithë qytetarët anë e mbarë Kosovës do ta shfrytëzojnë këtë të drejtë është edhe moti i mirë sot e me diell e është pak më lehtë të votohet….është mundësi e mirë që qytetarët jo vetëm ta japin vlerësimin për të gjithë politikanët që i kanë përfaqësuar deri tani, por edhe t’i japin mundësi atyre që ndoshta kandidojnë për herë të parë dhe është me rëndësi këtë të drejtë ta shfrytëzojnë të gjithë qytetarët e Kosovës”, theksoi ajo.
