Pas lëshimit të sirenave të alarmit në komunat veriore, Policia e Kosovës ka dalë me një njoftim duke thënë se është duke i asistuar kryetarët e komunave për të ushtruar të drejtën e tyre në punë, në objektet zyrtare.

Policia ka deklaruar që sipas autorizimeve ligjore dhe kushtetuese, po ndërmerr veprime në ofrim të sigurisë dhe ruajtje të rendit dhe sigurisë publike.

“Sipas detyrës zyrtare, sot Policia e Kosovës është duke asistuar kryetarët e komunave veriore Zveçan, Leposaviq dhe Zubin Potok,  për të ushtruar të drejtën e tyre në punë, në objektet zyrtare të komunave përkatëse”, ka njoftuar Policia.

Lajmi i plotë është në sistemin me parapagim.

Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten. Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

Kryetarët paraprakë nga kjo parti, kishin dhënë dorëheqje nëntorin e vitit të kaluar.

Ata u larguan nga institucionet në shenjë pakënaqësie me vendimin e Qeverisë së Kosovës që obligonte qytetarët t’i kthejnë targat e veturave nga ilegale në ato të Republikës së Kosovës.

https://kosovapress.com/admin/kryetari-i-zubin-potokut-kemi-kompetenca-te-plota-kushtetuese/

https://kosovapress.com/admin/hovenier-per-kryetaret-ne-veri-te-shmanget-forca-per-hyrje-ne-objektet-komunale/