Policia e Kosovës në vazhdën e aktiviteteve për parandalimin e trafikimit të qenieve njerëzore e në veçanti fëmijëve, ka hartuar planin operativ "Identifikimi i fëmijëve në situatë rruge si viktima të mundshme të trafikimit prill 2024”. Plani operativ është zbatuar në të gjithë territorin e Kosovës, në periudhën 15-27 prill 2024 nga të gjitha Njësitet rajonale të DHTQNJ-së, prokuroritë në rajonet përkatëse, Qendrën për punë sociale, Drejtorinë për Migrim dhe të Huaj.

Me këtë rast janë identifikuar 54 lëmoshë-kërkues nga Kosova, prej të cilëve 22 të moshës madhore dhe 32 fëmijë, si dhe 22 lëmoshë-kërkues nga Shqipëria, prej të cilëve 15 të moshës madhore dhe shtatë fëmijë. Gjatë implementimit të këtij plani janë iniciuar 18 raste penale, me 16 persona të dyshuar, si dhe një person të dëbuar.