Policia e Kosovës është furnizuar me automjete të blinduara dhe autoblinda, si pjesë e planifikimeve dhe objektivave strategjike për ngritjen e kapaciteteve për kryerjen e detyrave dhe autorizimeve efikase, si dhe në interes të qytetarëve dhe vendit.

Në një postim në Facebook, Policia e Kosovës thotë se do të vazhdojë planifikimet për ngritjen e kapaciteteve të burimeve njerëzore, logjistike e të teknologjisë, me qëllim që në mënyrë sa më profesionale të përmbushë me sukses misionin në ofrimin e sigurisë dhe ruajtjes së rendit kushtetues.