Plagoset një person në Suharekë, kapet sulmuesi
Policia e Kosovës ka arrestuar sot një person të dyshuar për plagosjen e një 52-vjeçari në Popolan të Suharekës.
Incidenti ka ndodhur dje rreth orës 11:57, ku një person meshkuj kosovar i vitit të lindjes 1970 ka pësuar lëndim të rëndë trupor nga arma e zjarrit.
Policia gjatë ekzaminimit të rastit në vendngjarje ka gjetur dhe konfiskuar një armë zjarri pistoletë, një karikator, shtatë fishekë dhe një gëzhojë.
Personi i plagosur është transferuar për trajtim mjekësor në qendrën emergjente në Suharekë dhe sipas mjekut është jashtë rrezikut për jetë.
I dyshuari i rastit, mashkull kosovar, nga njësitë patrulluese dhe njësiti i hetimeve rajonale Prizren është identifikuar, lokalizuar dhe arrestuar.
Me urdhër të prokurorit kujdestar të dyshuarit iu është caktuar masa e ndalimit për 48 orë, ndërkohë që njësitet policore në koordinim me Prokurorin e Shtetit janë duke punuar në hetimin e rrethanave të rastit.