Më 24 gusht të vitit 1913, shteti i pavarur shqiptar, ngriti të parën gazetë zyrtare të quajtur “Përlindja e Shqipniës”.

Drejtuesit e kësaj gazete ishin Dhimitër Berati, një nga figurat më të njohura të kohës, si edhe publicisti e luftëtari Mihal Grameno. Gazeta vijoi të botohej dy herë në javë, deri në vitin 1914, duke u bere pararendësja e gazetës që më pas u quajt “Fletorja Zyrtare”.

Shumica e kryeartikujve ishin politikë dhe i kushtoheshin mbrojtjes së interesave të vendit dhe luftës ndaj faktorëve kundërshtarë të brendshëm e të jashtëm, me qëllim bashkimin e përparimin e tij.

Në këtë gazetë u botuan të gjitha ligjet e kohës, sikurse ai për administratën civile, kanuni i Zhurisë e shumë ligje të tjera, në të gjitha fushat e jetës publike.