Presidenti i Real Madridit, Florentino Perez, ka konfirmuar se mbrojtësi holandez Denzel Dumfries do t’i bashkohet klubit madrilen, duke i dhënë fund spekulimeve të javëve të fundit rreth të ardhmes së lojtarit.

Sipas raportimeve, Dumfries do të transferohet nga Interi te gjiganti spanjoll pas aktivizimit të klauzolës së tij të lirimit, me Real Madridin që e sheh 30-vjeçarin si një përforcim të rëndësishëm për krahun e djathtë të mbrojtjes.

Perez e bëri të ditur lajmin gjatë fushatës së tij për zgjedhjet presidenciale të klubit, duke theksuar se Dumfries është një nga emrat që do t’i bashkohet projektit të ri sportiv të madrilenëve. Mbrojtësi holandez, i cili ka shkëlqyer me Interin dhe Kombëtaren e Holandës, pritet të konkurrojë për një vend titullari në repartin defensiv të skuadrës.

Transferimi i Dumfries vjen në një periudhë kur Real Madridi po planifikon disa ndryshime të rëndësishme në skuadër, me Perezin që ka paralajmëruar edhe lëvizje të tjera të mëdha në afatin kalimtar të verës

KosovaPress