Ekspertët kanë veçuar ushqimet që përkeqësojnë rënien e flokëve dhe fajtorët kryesorë janë ushqimet e yndyrshme.

Një studim i vitit 2021 i botuar në revistën Nature zbuloi se ngrënia e ushqimeve të yndyrshme, si mishi i përpunuar dhe çdo gjë e skuqur, mund të kontribuojë gjithashtu në rënien e flokëve. “Yndyrat e mira” që gjenden në ushqime si salmoni, arrat dhe avokadot janë ende të rekomanduara dhe nuk paraqesin rrezik.

Flokët kalojnë një cikël rritjeje në të cilin bien vetë, por edhe rigjenerohen. Kjo është arsyeja pse vazhdimisht shihni qime në kanalin e vaskës.

"Folikuli i flokëve lëviz në mënyrë natyrale midis rritjes dhe stagnimit. Gjatë fazës së rritjes, qelizat burimore të gjëndrës së flokëve aktivizohen në mënyrë që ta rigjenerojnë atë dhe të stimulojnë rritjen”, raporton Science Daily. Këto qime të reja zëvendësojnë ato që gjeni në furçën tuaj - të gjitha janë pjesë e procesit.

Por një studim në minj - anatomikisht, fiziologjikisht dhe gjenetikisht shumë i ngjashëm me njerëzit - tregoi se "stresi i shkaktuar nga obeziteti, si ai i shkaktuar nga një dietë me yndyrë të lartë", mund të varfërojë qelizat burimore të gjëndrës së flokëve dhe të prishë ciklin e rritjes së flokëve. Në këtë cikël të shqetësuar, qelizat staminale nuk aktivizohen dhe qimet e reja nuk rriten, gjë që përfundimisht çon në humbje të përshpejtuar të flokëve.

Studiuesit nga Universiteti Mjekësor dhe Dentar në Tokio, Japoni, zbuluan gjithashtu se rënia e flokëve e shkaktuar nga një dietë e pashëndetshme ka më shumë gjasa të ndodhë ndërsa plakeni. Rënia e flokëve në përgjithësi ndodh me kalimin e moshës, por e kombinuar me marrjen e vazhdueshme të ushqimeve me yndyrë, e përkeqëson problemin.

Ekspertët këshillojnë të zgjidhni ushqime të pasura me proteina me pak yndyrë (flokët janë 'të përbërë' nga proteina, andaj është e rëndësishme të ruani një konsum optimal), si mish pa dhjamë, fasule dhe bishtajore, në vend të mishit të përpunuar, djathit, brumërave dhe ushqimeve të tjera me yndyra të ngopura.

Është gjithashtu e rëndësishme të konsumoni ushqime të pasura me vitamina dhe minerale, veçanërisht vitaminë C, vitaminë D dhe hekur.