Pejë, qytetarja e gjen kuletën me kaq para dhe e dorëzon në Polici
Një qytetarë nga Peja ka gjetur sot një kuletë në të cilën ndodheshin të holla dhe dokumente persona.
Policia, përmes një njoftimi për media ka bërë të ditur se kuleta është gjetur në rrugën “Zahir Pajaziti”, në Pejë.
Sipas policisë qytetarja me inicialet F.H. e ka dorëzuar kuletën e gjetur në stacionin Policor të Pejës.
Njoftimi i plotë:
Qytetarja dorëzon kuletën e gjetur, mjetet dhe dokumentet kthehen tek pronari
Pejë, 21 gusht 2024
Më datë 21.08.2024, në Stacionin Policor të Pejës, një qytetare me inicialet F.H. dorëzoi një kuletë të cilën e kishte gjetur në rrugën "Zahir Pajaziti" në Pejë. Brenda kuletës ndodheshin të holla dhe dokumente personale:
Dyqind e tetëdhjetë (280) Euro
Pesëqind (500) franga zvicerane
Dokumente personale
Të gjitha sendet e lartcekura i janë kthyer pronarit të tyre.
Policia e Kosovës falënderon qytetaren për veprimin e saj shembullor dhe për nivelin e lartë të përgjegjësisë qytetare që ka treguar.
