PEDAKOS – Kopshtet dhe Instituti Pedagogjik në vizitë në Reggio Emilia
Tjera
Lexohet për: 3 min.
2 vite më parë
Linku u kopjua
Pas një pritjeje dyvjeçare për shkak të pengesave të paraqitura nga pandemia, këtë javë një delegacion përfaqësues nga sistemi edukimit të fëmijërisë së hershme të Kosovës vizitoi qytetin e Reggio Emilia për të hetuar qasjen dhe sistemin e tij specifik në edukimin parashkollor.
Vizita studimore (2/9 prill) është pjesë e kursit të trajnimit për personelin parashkollor të 15 kopshteve pilote të projektit dhe 3 institucioneve partnere kosovare të zbatuara nga Volontari nel Mondo RTM në kuader të projektit PEDAKOS, që ka filluar në fund të vitit 2019.
Në vizitë morën pjesë drejtoreshat dhe edukatoret e 7 kopshteve në Kosovë si dhe drejtori dhe një hulumtuese e Institutit Pedagogjik të Kosovës. Kjo vizitë e Prillit do të pasohet nga dy misione tjera që përfaqësojnë 8 kopshte të tjera dhe Ministrinë e Arsimit, Shkencës, Teknologjisë dhe Inovacionit të Kosovës.
Një delegacion nga Fakulteti Edukimit i Universitetit Prishtinës ishte në vizitë në qytetin e Reggio Emilias- gjatë muajit Tetor të vitit të kaluar.
Vizitat studimore përfaqësojnë përgjigjen kryesore të ofruar nga PEDAKOS-i ndaj kërkesës se kopshteve dhe institucioneve kosovare për ta hapur sistemin e edukimit parashkollor të Kosoves per qasje të reja edukative. Misionet studimore janë të rëndësishme për të siguruar që partnerët dhe pjesëmarrësit në projekt të kuptojnë Qasjen dhe sistemin e Reggio Emilia-s për menaxhimin e shërbimeve të integruara edukative 0-6, duke vëzhguar dhe thelluar nga afër parimet, përmbajtjet dhe vlerat që qëndrojnë në themel të projektit edukativ të grupmoshes 0-6 sipas qasjes Reggio Emilia. Gjithashtu, vizita studimore ofroi një mundësi për nxitje dhe reflektim mbi aspekte të ndryshme të përvojës së Reggio-s dhe për ta ndërlidh këtë përvojë me kontekstin kosovar.
Programi i vizitës se grupit që u përgatit dhe implementua me partnerët e projektit, gjegjësisht me Reggio Children dhe Fondacionin Reggio Children, agjendë e pasuruar me një përzierje teorish dhe analizash, momente kushtuar takimeve me kopshtet e ?qytetit të Reggio-s dhe momente seminaresh, synonte përjetimin e praktikave të Qasjes së Reggio Emilia-s nga ana e grupit. Në veçanti, u studiuan aspektet e sistemit 0-6 në Itali dhe Reggio Emilia, temat e "pjesëmarrjes së familjeve dhe komunitetit" dhe shkëmbimet pedagogjike mes kopshteve; Grupi studimor i Kosoves pati rastin të vizitoj Qendrën Ndërkombëtare Loris Malaguzzi dhe atelierit/ekpozitat, dy kopshte të fëmijëve, dhe REMIDA-Qendra Reciklimit Kreativ; Në PAUSE-Atelier dei Sapori grupi ka realizuar atelie të kuzhinës.
Ghjithashtu programi ofroi edhe momente reflektimi dhe planifikimi operativ në kuadër të procesit të promovuar nga projekti.
