Parlamenti i Koresë së Jugut ka miratuar një mocion që kërkon shkarkimin e ministrit të Brendshëm Lee Sang-min lidhur me reagimin e qeverisë ndaj një aksidenti në lagjen Itaewon të Seulit gjatë festimeve të Halloween.

Lee Sang-min po përballet me presion në rritje për të dhënë dorëheqjen pas aksidentit të 29 tetorit që vrau 156 njerëz dhe plagosi 152, raportoi BBC.

Partia Demokratike kërcënoi se do të fajësonte ministrin nëse presidenti refuzonte propozimin, raportoi Yonhap.

Ministria e Punëve të Brendshme mbikëqyr policinë e Koresë së Jugut, e cila është kritikuar për reagimin e saj ndaj rrëmujës në Itaewon, përndryshe një lagje popullore e jetës së natës në Seul me rrugë të ngushta të mbushura me bare dhe restorante.

Shefi i policisë Jun Hee-keun tha se përgjigja ndaj rrëmujës ishte e pamjaftueshme dhe premtoi një hetim të plotë për atë që ndodhi.

Edhe Lee Sang-min kërkoi falje në parlament, duke thënë se situata ishte shumë e trishtuar për të si baba që ka një djalë dhe një vajzë.