Në katër anët e shesheve të kryeqytetit, qytetarë të shumtë kanë përcjellë parakalimin e Forcave të Sigurisë së Kosovës dhe Policisë së Kosovës. Në ceremoninë shtetërore të shënimit të 25-vjetorit të çlirimit të Kosovës, tri kuadrate gjatë parakalimit kanë prezantuar armë me mitraloz të rëndë e kamera në helmeta. Komandantja supreme, Vjosa Osmani tha se më 1999 u mbrojt e drejta e popujve për të qenë të lirë. E kryeministri i vendit Albin Kurti u shpreh se Ushtria e Kosovës e ka origjinën nga Ushtria Çlirimtare e Kosovës.

Presidentja Vjosa Osmani deklaroi se 12 qershori është një nga ditët më domethënëse për historinë e shtetësisë së Kosovës.

Kryetarja e shtetit tha se 25 vjet më parë, luftërat e UÇK-së dhe ushtarët e NATO-s, lotët dhe tmerrin i kthyen në shpresë.

Ajo përmendi edhe komandantin legjendar, Adem Jashari dhe familjen Jashari, duke shtuar se Kosova u mbështet edhe nga aleatët ndërkombëtarë.

Edhe kryeministri Albin Kurti theksoi se Ushtria e Kosovës e ka origjinën nga Ushtria Çlirimtare e Kosovës. Sipas tij, trashëgimia e Adem Jasharit sot është e përbashkuar tek Forca e Sigurisë së Kosovës.

Në ceremoninë shtetërore të shënimit të 25-vjetorit të çlirimit të Kosovës, Kurti shtoi se 1/3 e ushtarëve do të parakalojë në sheshet e kryeqytetit.

Liria e Kosovës, Kurti shtoi se erdhi edhe nga ndihma e forcave të NATO-s. Për çka theksoi se Kosova për ditë është më afër anëtarësimit në këtë aleancë.

Ish ministri i Mbrojtjes në Mbretërinë e Bashkuar, tashmë Lordi George Robertson, ka kujtuar kohën e intervenimit në Kosovë dhe objektivat e plotësuara të NATO-s.

Robertson ka përmendur vizitën e tij në Poklek të Kosovës dhe tha se aty ka parë se deri ku mund të shkojë dehumanizmi njerëzor.

Lajmi i plotë në sistemin me parapagim...

Në ceremoninë shtetërore për nder të 25-vjetorit të çlirimit të Kosovës kanë parakaluar 16 kuadrate të FSK-së, shtatë të Policisë së Kosovës, ku gjithsejtë kanë qenë mbi 1500 pjesëtarë.

https://kosovapress.com/maqedonci-tregon-arsyeje-e-mos-ekspozimit-te-mjeteve-te-renda