Në kuadër të vizitës në SHBA, presidentja e Kosovës Vjosa Osmani ka mbajtur një fjalim para ushtarakëve amerikanë në Thayer Hall të akademisë ushtarake West Point.

Ajo me këtë rast ka thënë se trashëgimia e SHBA-së dhe ushtarëve të saj janë liria dhe ndihma e ofruar në çlirimin e Kosovës.

“Përtej kufijve të SHBA-së, vendet anembanë botës i kanë shpresat e tyre edhe te ju, ashtu edhe ne në Kosovë. Fëmijëria ime u formësua nga lufta, një luftë e varur nga gjenocidi dhe regjimi i Millosheviq, duke marrë jetën e mijëra civilëve. Si fëmijë kam dëgjuar histori, histori për ushtarët amerikanë dhe ushtrinë amerikane, dhe për mua në atë kohë ata ishin më shumë se vetëm ushtarë, ishin mishërim i përsosmërisë dhe integritetit, më shumë se çdo gjë, ushtarët amerikanë prezantojnë diçka shumë më tepër për ne në Kosovë”, ka thënë Osmani.

Ajo ka vlerësuar lart rolin e ushtrisë amerikane për lirinë, demokracinë, paqen dhe sigurinë.

“Ata prezantuan lirinë, sepse ushtarët e SHBA-së ishin për lirinë, ata ishin për demokracinë, për paqen dhe sigurinë. Diçka që ne nuk e kemi ditur derisa ju dhe të tjerë në mesin e ushtrisë amerikane na erdhën në shpëtim. Kur forcat e lirisë kaluan nëpër rrugët e Kosovës dhe flamuri amerikan valëvitej mbi një popull të çliruar, kishte gëzim, kishte mirënjohje, kishte besim se drejtësia kishte triumfuar. Rrugët u mbushën me festë me njerëz që më në fund morën frymë në liri dhe kjo është trashëgimia e ushtarëve amerikanë për trashëgiminë e popullit tonë, dhe kjo është e SHBA-së për ne të kthyer në atdhe”, tha Osmani.

Osmani ndodhet në Nju Jork në kuadër të Javës së Nivelit të Lartë të sesionit të 79-të të Asamblesë së Kombeve të Bashkuara. Ajo do të zhvillojë takime me liderë botërorë, organizata ndërkombëtare, si dhe do të merr pjesë në aktivitete tjera zyrtare.