Të shkëlqyera i ka konsideruar presidentja Vjosa Osmani, raportet mes Kosovës dhe Shqipërisë. Ajo deklaroi se angazhohet për tejkalimin e çdo lloj mospajtimi të momentit mes kryeministrit Kurti dhe Rama. Kështu u shpreh ajo pas takimit me presidentin e Shqipërisë, Bajram Begaj, për çka tha se kryefjala e kësaj vizite është bashkërendimi për një strategji dhe veprim të unifikuar të politikës së jashtme. E presidenti i Shqipërisë, Bajram Begaj deklaroi se askush nuk mund të çuditet pse Kosova është prioritet kombëtar dhe se në të gjitha takimet e tij ka kërkuar njohjen e Kosovës. Ai u shpreh se Kosova duhet të ketë koordinim të ngushtë dhe më të mirë me Shtetet e Bashkuara të Amerikës dhe Bashkimin Evropian.

Presidentja Vjosa Osmani tha se Kosova ka nevojë për mbështetjen e Shqipërisë, qw të bëhet zë në të gjitha instancat ndërkombëtare.

Kryetarja e shtetit shtoi se janë të vendosur për të kontribuar në funksion të paqes dhe stabilitetit, të cilat siç tha ajo, po rrezikohen nga Rusia dhe satelitët e saj në rajon. Osmani deklaroi se Kosova sot përballet me sfidimin më të madh të sigurisë në 25 vjetët e fundit.

Lajmi i plotë në sistemin me parapagim...

Në konferencë për media, Osmani theksoi se synim shtetëror dhe strategjik mbetet anëtarësimi në NATO dhe Bashkim Evropian, si dhe në të gjitha organizatat tjera ndërkombëtare.

Tutje, ajo komentoi edhe raportet mes kryeministrave të të dyjave vende, ku tha se relacionet mes të dyja vendeve janë “mes motrash”.

Megjithatë, ajo komentoi edhe raportet e kreyminstrave Albin Kurti dhe Edi Rama, pwr çka shtoi se çdo diskutim i momentit që mund të ketë involvuar mospajtime është tejkaluar.

https://kosovapress.com/admin/bagaj-nevojitet-koordinim-me-i-ngushte-me-nderkombetaret-per-veriun/

Edhe presidenti i Shqipërisë, Bajram Begaj tha se nuk kanë rëndësi mosmarrëveshjet e momentit.

Ai shtoi se karakteri strategjik i marrëdhënieve mes të dyja vendeve ka një rol unik për stabilitetin, sigurinë, zhvillimin e qëndrueshëm dhe perspektivën euroatlantike.

Presidentja Vjosa Osmani sot dhe nesër do të qëndrojë për vizitë në Shqipëri. Ajo u prit me ceremoni shtetërore në ambientet e Presidencës së Shqipërisë. Ajo do të takohet edhe me kryeparlamentaren Lindita Nikolla dhe me kryeministrin Edi Rama. Po ashtu, do t’ia dorëzojë dekretin e nënshtetësisë së Kosovës, shkrimtarit me famë botërore, Ismail Kadare.