Osmani pranoi letrat kredenciale nga ambasadorja e re jorezidente e Kanadasë në Kosovë
Presidentja Vjosa Osmani priti sot në takim ambasadoren e re jorezidente të Kanadasë në Kosovë Jessica Blitt, me rastin e dorëzimit të letrave kredenciale.
Osmani me këtë rast e uroi ambasadoren për detyrën dhe shprehu mirënjohje të thellë për mbështetjen e Kanadasë për Kosovën dhe bashkëpunimin e shkëlqyeshëm.
Ndërsa, ambasadorja Blitt, shtoi se nga ana e saj do të ketë edhe angazhim më të madh në fusha të ndryshme të interesit të përbashkët për të dy shtetet sidomos në çështjet që kanë të bëjnë me fuqizimin e grave dhe barazinë gjinore.
Në takim, u konfirmua gatishmëria për hapjen e kapitujve të rinj të bashkëpunimit, si dhe angazhimi i përbashkët i avancimit të Agjendës për Gratë, Paqen dhe Sigurinë.
Presidentja Osmani e njoftoi ambasadoren Blitt edhe për zhvillimet e fundit në fushën e sigurisë në vend, me ç’rast potencoi rëndësinë e madhe të vazhdimit të bashkëpunimit me aleatë, si dhe nevojën për të vënë autorët e aktit të agresionit të 24 shtatorit para përgjegjësisë, thuhet në njoftimin e Presidencës.
20 studente përfundojnë programin për inxhinieri - KosovaPress
