Osmani nderon Zahir Pajazitin: Shteti që e trashëguam nga trimëria do të rrojë përgjithmonë
Lexohet për: 2 min.
11 muaj më parë
Linku u kopjua
Në 27 vjetorin e rënies heroike të tre heronjëve të parë të UÇK-së, presidentja e vendit, Vjosa Osmani ka bërë homazhe tek shtatorja e Zahir Pajazitit, me ç’rast tha se ata ishin nismëtar të lirisë dhe frymëzues të luftës së Ushtrisë Clirimtare të Kosovës dhe se përmes trimërisë, guximit e sakrificës së tyre inspiruan me mijëra djem e vajza që të luftojnë për lirinë e Kosovës.
Në këtë përvjetor të rënies së heronjve Zahir Pajaziti, Hakif Zejnullahi dhe Edmond Hoxha, Osmani potencoi se këta të fundit ndërtuan themelet e forta për shtetin e pavrur dhe sovran që është sot.
Presidentja e Kosovës, pas homazheve tha se heronjtë e luftës dhanë jetën për vendin tonë “në mënyrë që brezat që janë sot me ne dhe brezat që do të vijnë pas nesh të jetojnë të lirë nga okupimi dhe regjimi gjenocidal i cili në atë kohë vrau edhe më të pafajshmit edhe fëmijët në djep”.
Më 31 janar të vitit 1997 ndodhi njëra nga betejat e para madhore të pjesëtarëve të Ushtrisë Çlirimtare të Kosovës.
Tre strategët, Zahir Pajaziti, Hakif Zejnullahu dhe Edmond Hoxha ishin duke udhëtuar nga Prishtina në drejtim të Vushtrrisë, derisa grupi i tyre zbulohet nga sigurimi serb, të cilët kishin vënë pritë në fshatin Pestovë, ku të tre bien heroikisht në luftë me ta./Z.Zeneli/
