Obiliqi do të bëhet me objekt të ri të QKMF-së, nënshkruhet kontrata për ndërtim
Shëndetësi
Lexohet për: 1 min.
Dëgjoje me zë...
Obiliqi do të bëhet me objekt të ri të QKMF-së, nënshkruhet kontrata për ndërtim
Kryetari i Komunës së Obiliqit, Halil Thaçi, ka nënshkruar kontratën për ndërtimin e objektit të ri të Qendrës Kryesore të Mjekësisë Familjare (QKMF), projekt që synon të përmirësojë kushtet e ofrimit të shërbimeve shëndetësore për qytetarët.
Sipas njoftimit të Komunës së Obiliqit, objekti i ri i QKMF-së është një investim i shumëpritur, i cili do të krijojë hapësira moderne dhe më funksionale për pacientët dhe stafin shëndetësor.
Komuna ka bërë të ditur se të premten, në orën 15:30, do të vendoset gurthemeli i projektit në prani të kryeministrit të Kosovës, Albin Kurti, ministrit të Shëndetësisë, Arben Vitia, dhe përfaqësuesve të tjerë institucionalë.
Me vendosjen e gurthemelit do të nisë zyrtarisht ndërtimi i objektit të ri, i cili pritet të avancojë infrastrukturën shëndetësore në komunën e Obiliqit dhe të rrisë cilësinë e shërbimeve për qytetarët.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
