Ministri i Shëndetësisë, Arben Vitia, me bashkëpunëtorë do të marrë pjesë nesër në fillimin e vaksinimit kundër Human Papilloma Virusit (HPV). (Shkolla fillore Hyzriu e Samiu, fshati Letancë Podujevë, ora 09:00).

Mbledhja e Këshillit Gjyqësor të Kosovës. (Ora 09:00)

Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla diskuton rreth kërkesave për sjellje të dokumentacionit. (Kuvendi i Kosovës, salla N303, ora 10:00)

Këshilltarët Komunal të VV-së- Qendra Prishtinë- mbajnë konferencë për media. (Zyret e VV-së, ora 10:00)

“Hulumtim mbi popullatën NEET për tre komuna të Kosovës: Pejë, Deçan, Junik”. (Hotel Seraphine Plaza, Pejë, ora 11:00)

Promovohet libri “Proceset e kurdisura kundër shqiptarëve të Kosovës (1999-2001)” nga autori z. Fahri Musliu. (Qendra e Dokumentimit Kosovë, ora 14:00)

Në kuadër të ”Programi i Zhvillimit të Bletarisë së Qëndrueshme-Trajnimi për Lidhjen e Bletarëve të Kosovës” të organizuar nga Agjencia Turke për Bashkëpunim dhe Koordinim TIKA në bashkëpunim me Lidhjen e Bletarëve të Kosovës do të organizohet ceremonia e shpërndarjes së çertifikatave për pjesëmarrësit të cilët kanë përfunduar trajnimin. (Salla e Kuvendit Komunal të Prishtinës, ora 15:00)