Ylli brazilian Neymar është përfshirë në listën preliminare të përzgjedhur për kombëtaren e Brazilit, për ndeshjet miqësore kundër Francës dhe Kroacisë, që do të zhvillohen më 26 dhe 31 mars në Shtetet e Bashkuara. Lista finale e lojtarëve do të zyrtarizohet të hënën e ardhshme nga stafi teknik i Brazilit. 

Kjo është hera e parë që Neymar futet në një listë të kombëtares pas më shumë se dy vjetësh, pasi ai luajti ndeshjen e tij të fundit për Brazilin në tetor 2023, përpara se të lëndohej rëndë në një ndeshje zyrtare. 

Brazili do të përballet me Francën më 26 mars në Boston dhe me Kroacinë më 31 mars në Orlando, si përgatitje për Botërorin 2026.