Kryeministri Benjamin Netanyahu përsëriti të enjten qëndrimin e qeverisë së tij, se lufta izraelite në Gaza nuk do të ndalet derisa të arrihen qëllimet izraelite.

"Unë do të bëj gjithçka në fuqinë time për të siguruar që Gaza të mos përbëjë kërcënim për Izraelin, as Hamastan dhe as Fatahstan," tha Netanyahu në një fjalim televiziv, të cituar nga e përditshmja “Haaretz”.

Netanyahu po i referohej pozicionit të tij për të refuzuar mbajtjen e Hamasit në pushtet në Gaza, si dhe refuzimin e tij për të lejuar Autoritetin Palestinez të ketë një rol në Gaza në periudhën e pasluftës. Ai gjithashtu përsëriti qëllimet e shtetit izraelit për luftën në Gaza "derisa Hamasi është eliminuar dhe të gjithë pengjet janë liruar".

Grupi Hamas dhe Autoriteti Palestinez ende nuk kanë komentuar mbi komentet e Netanyahut.

Izraeli ka goditur Rripin e Gazës që nga sulmi i 7 tetorit nga Hamasi, duke vrarë të paktën 19.667 palestinezë dhe duke plagosur 52.586 të tjerë, sipas autoriteteve shëndetësore në enklavë.

Sulmi izraelit e ka lënë Gazën në gërmadha me gjysmën e banesave të territorit bregdetar të dëmtuar dhe gati dy milionë njerëz të zhvendosur brenda enklavës me popullsi të dendur mes mungesës së ushqimit dhe ujit të pastër.

Gati 1.200 izraelitë besohet se janë vrarë në sulmin e Hamasit, ndërsa rreth 130 pengje mbeten në robëri. /AA

Zvicra dhuron 11.5 milionë dollarë për fëmijët në Gaza - KosovaPress