Nën ndikimin e narrativës serbe, komuna e Malit të Zi miraton deklaratë për çnjohje të Kosovës
Rajoni
Lexohet për: 2 min.
Dëgjoje me zë...
Nën ndikimin e narrativës serbe, komuna e Malit të Zi miraton deklaratë për çnjohje të Kosovës
Komuna e Zetës e Malit të Zi ka miratuar të martën një deklaratë për çnjohje të shtetit të Kosovës. Nën ndikimin e narrativës serbe, asamblistët e kësaj komune, anuluan vendimin për njohjen e Kosovës në këtë territor, transmeton KosovaPress.
Këtë e ka bërë të ditur iniciatori i deklaratës, kreu i Partisë Demokratike Popullore, Milan Knezheviq.
Ai duke ndjekur narrativën serbe, iu drejtua Kosovës me termin “e ashtuquajtur”, pavarësisht shpalljes së pavarësisë së Republikës së Kosovës në vitin 2008.
"Zeta ka anuluar vendimin për njohjen e të ‘ashtuquajturës’ Kosovë. Hyrja në histori fillon me një hap të vogël dhe mbaron me një marshim përjetësie! Asnjë hap prapa!", shkroi ai në një postim në rrjetin X.
Lajmi për votimin e kësaj deklarate u publikua ndërkohë edhe nga Radiotelevizioni i Malit të Zi, si dhe nga Vijesti me seli në Podgoricë.
Sipas mediave malazeze, këshilltarët e DPS-së nuk morën pjesë në seancë, dhe këshilltarët demokratë, Aleksandra Petriceviq dhe Luka Krstoviq u larguan nga salla para votimit.
Kujtojmë se të dielën në Podgoricë të Malit të Zi, naionalistë serbë e malazezë kanë protestuar me kërkesën e tyre për anulimin e vendimit për njohjen e Republikës të Kosovës.
Foto RTCG
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
