Në Poloni hyri në fuqi ligji për monitorimin e shtatzënisë
Një ligj i ri që hyri në fuqi sot në Poloni, që kërkon që informacioni i shtatzënisë të futet në një sistem kombëtar digjital, ka ngritur shqetësime midis organizatave të grave se mund të jetë një mënyrë për qeverinë konservatore për të kontrolluar jetën e grave.
Grupet e grave sugjerojnë se rregullorja e re e Ministrisë së Shëndetësisë do t'i lejojë autoritetet të monitorojnë shtatzënitë si një formë kontrolli në një vend me ligje shumë të rrepta kundër abortit.
Ministria mohoi akuzat, duke thënë se ishte një direktivë e BE-së që lejon mjekët të përgjigjen shpejt ndaj ndryshimeve të rëndësishme jetike, të cilat përmirësojnë shërbimet shëndetësore.
“Sot në Poloni, çdo ndryshim që lidhet me riprodhimin, veçanërisht kur ka të bëjë me mbledhjen e informacionit të ndjeshëm personal, ngre dyshimin se ka qëllime të këqija”, tha presidentja e Fondacionit Federa për Gratë dhe Planifikimin Familjar, Kristina Kaczpura.
Në Poloni, aborti lejohet vetëm nëse shtatzënia rrezikon shëndetin e gruas, ose është rezultat i përdhunimit ose incestit.
Gratë nuk dënohen për kryerjen e paligjshme të abortit, por ato që kanë kryer ndërprerjen e shtatzënisë dhe ndihmësit e tyre.
