Ministri i Punëve të Brendshme, Xhelal Sveçla ka njoftuar se ka nënshkruar një marrëveshje të re me kryetarin e Komunës së Mitrovicës së Veriut, Erden Atiq.

Kjo kontratë sipas të parit të MPB-së, Xhelal Sveçla do t’i hap rrugë shfrytëzimit të kompleksit të objekteve të ish-Remontit në Mitrovicën e Veriut, ku një objekt i këtij kompleksi do të bëhet qendër që do të ofrojë përkujdesje dhe strehim për viktimat e dhunës në familje.

Sveçla, tha se si institucione nuk do të ndalen në shtimin dhe avansimin e shërbimeve për të gjithë qytetarët qytetarët pa dallim.

Postimi i tij i plotë:

Me Kryetarin e Komunës së Mitrovicës së Veriut Erden Atiq sot nënshkruam kontratën përmes së cilës i hapet rrugë për shfrytëzimit të kompleksit të objekteve të ish Remont në Mitrovicën e Veriut.

Me këtë rast, jam shumë i lumtur që një objekt të këtij kompleksi, bashkë me Ministren e Drejtësisë Albulena Haxhiu dhe Nënkryetaren e Mitrovicës së Veriut Katarina Adancic, e destinuam për qendër që do të ofrojë përkujdesje dhe strehim për viktimat e dhunës në familje.

Si institucione të të gjitha niveleve nuk do të ndalemi në shtimin dhe avansimin e shërbimeve për të gjithë qytetarët pa dallim.