Nderim Mustafa premton angazhim për fuqizimin e investimeve të diasporës në Kosovë
Zgjedhjet 2026
Lexohet për: 1 min.
Dëgjoje me zë...
Nderim Mustafa premton angazhim për fuqizimin e investimeve të diasporës në Kosovë
Kandidati i Partisë Demokratike të Kosovës për deputet në zgjedhjet e 7 qershorit, Nderim Mustafa, ka shprehur zotimin e tij për të punuar në forcimin e lidhjeve ekonomike ndërmjet Kosovës dhe diasporës shqiptare.
Në një postim në Facebook, Mustafa tha se e konsideron nder të madh shërbimin ndaj rajonit të Anamoravës, Kosovës dhe mërgatës, duke theksuar përvojën e tij si afarist i formuar mes Kosovës dhe Zvicrës.
Sipas tij, një nga prioritetet kryesore do të jetë krijimi i mundësive për të sjellë më shumë potencial investues nga diaspora në Kosovë, si dhe thellimi i bashkëpunimit ekonomik mes vendit dhe komunitetit shqiptar jashtë atdheut.
Mustafa u bëri thirrje qytetarëve që ta mbështesin me votë në zgjedhjet e ardhshme, duke premtuar se besimin e marrë do ta kthejë me punë, përkushtim dhe angazhim në shërbim të qytetarëve.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
