Napoli vazhdon pa humbje në Serie A, e mposht edhe Atalantan
Ka përfunduar derbi mes Atalantas dhe Napolit, ku ky i fundit ka vazhduar pa humbje në Serie A duke arkëtuar pikët e plota nga ndeshja e sotme.
Pas plot 90’ minutave lojë të zhvilluara në stadiumin “Gewiss”, skuadra e Napolit e ka mposhtur si mysafire Atalantan me rezultat të ngushtë 2:1, raporton KosovaPress.
Fillimisht, rezultatin i pari e zhbllokoi Ademola Lookman, i cili nga penalltia shënon në minutën e 19’ për ta kaluar Atalantan në epërsi prej 1:0.
Napoli e gjeti golin e barazimit pas katër minutave, ku Victor Osimhen shënon në minutën e 23’ për 1:1.
Ndërkaq, golin e fundit të ndeshjes dhe të fitores për mysafirët e shënoi Eljif Elmas, i cili vulosi fitoren e Napolit me rezultat 2:1 në minutën e 35’.
Me pikët e reja, Napoli e përforcon pozitën e liderit në tabelë në kuotën e 35 pikëve, krahas Atalantas që zë vendin e dytë me 27 pikë të arkëtuara.
Rezultati final, 2:1 në favor të Napolit.
