Ministrja e Arsimit, Arbërie Nagavci Kam ka nënshkruar sot udhëzimin administrativ për rolin, detyrat dhe përgjegjësitë e asistentit për fëmijë/nxënës me nevoja të veçanta arsimore.

Nagavci ka shkruar në Facebook se edhe një hap i rëndësishëm sa i përket asistentëve për fëmijët me nevoja të veçanta.

 “Me këtë UA, të gjithë asistentët e punësuar duhet t’u ofrojnë mbështetje profesionale, fëmijëve me nevoja të veçanta arsimore në të gjitha institucionet e arsimit parauniversitar për arsim gjithpërfshirës efikas dhe cilësor. Mbesim të përkushtuar në përmirësimin e shërbimeve për këta nxënës dhe po punojmë edhe në zhvillimin e politikave për reformimin e sistemit të arsimit. Në dy vitet e kaluara janë punësuar 186 asistentë në shkolla ndërsa, deri në fund të mandatit do të punësojmë edhe 300 tjerë”, ka shkruar ajo.