Mytaher Haskuka: Vendet ku arsimi e kultura janë avancuar, kanë sjellë edhe zhvillimin ekonomik
Lajme
Lexohet për: 2 min.
2 muaj më parë
Linku u kopjua
Profesori universitar, Mytaher Haskuka ka deklaruar se statuti i ri i Universitetit të Prishtinës do të sjellë një ndryshim radikal në punën e këtij universiteti, duke e ndryshuar dhe duke e bërë çerdhe të mendimit kritik , kërkimit shkencorë dhe inovacionit.
Haskuka në panelin për arsimin, kulturë, rini e sport të Këshillit të Përgjithshëm të LVV-së, tha se Ministria e Arsimit dhe Ajo e Kulturës, kanë bërë strategji të mira në zhvillimin e këtyre sektorëve, nga të cilat pasataj ka ndikim edhe në zhvillimin ekonomik.
“Shtetet që janë zhvilluar janë pikërisht ato vende ku iu është dhënë rëndësi arsimit, kulturës dhe gjeneratave të reja, të cilët janë ata që me mendim kritik dhe logjikës shkencore fillojnë ndërmarrësi të reja, inovacion në treg dhe nëse shikojmë ndryshimet në legjislacion, janë bazament për zhvillimet e ardhshme...Koreja e jugut një nga vendet i varfër në vitet e 60, tani është në vendet e top listës e zhvillimit ekonomik me GDP, por çështja kryesore në 15 vitet e fundit është vendi që ka më së shumit inovacion dhe teknologji dhe ka bërë këtë pikërisht me investimet për të cilat po bisedojmë tani, domethënë investimet në arsim, rini, kulturë dhe sport. Uroj të dy ministrinë për strategjitë që kanë bërë deri tash pasi pa pasur një strategji të mirëfilltë nuk mund të kemi punë të mirëfilltë dhe për të parë se ku jemi”, tha ai.
Ai shtoi se arsimi publik falas ka qen një premtim që është realizuar, por edhe bursat ku ka deficit janë shumë të rëndësishëm. Haskuka u ndal edhe te statuti i ri i Universitetit të Prishtinës.
“Mendoj që është një statut që bie një ndryshim radikal në punën e Universitetit të Prishtinës dhe do ta ndryshojë Universitetin e Prishtinës dhe pikërisht ta bëjë çerdhe të mendimit kritik , kërkimit shkencorë dhe inovacionit”, tha ai.
