Muzeu i gjenocidit, Çeku: Do të bëhet dokumentimi i krimeve të Serbisë në Kosovë
Lajme
Lexohet për: 2 min.
2 orë më parë
Linku u kopjua
Qeveria e Kosovës miratoi të mërkurën themelimin e Muzeut të Gjenocidit dhe Përpjekjes për Liri. Ekzekutivi tha se në këtë mënyrë synon dokumentimin e krimeve të ish-Jugosllavisë dhe Serbisë ndaj shqiptarëve dhe të tjerëve në Kosovë.
Ai do të themelohet si njësi e veçantë në kuadër të Muzeut Kombëtar të Kosovës, ndërsa pas hyrjes në fuqi të Ligjit për muze si institucion, bëri të ditur ministri i Kulturës, Hajrulla Çeku.
Në një konferencë për media, Çeku tha se për ndërtimin e këtij institucioni, kanë siguruar buxhetin e nevojshëm.
Për këtë muze, ai tha se kanë qenë në komunikim edhe me disa shtete që kanë përvojë të dalluar në çështjen e muzealizimit dhe të prezantimin të së kaluarës.
