Ministri i Financave Hekuran Murati priti sot në takim ambasadorin britanik në Prishtinë Jonathan Hargreaves me të cilin diskutoi mundësitë për bashkëpunim të mëtutjeshëm ndërmjet dy vendeve, duke shqyrtuar mundësitë për investime në infrastrukturë dhe sport, me theks të veçantë në organizimin e Lojërave Mesdhetare 2030.

Duke folur mbi rritjen e investimeve në Kosovë, ministri Murati theksoi programin “Dritarja e Investimeve të Diasporës” të lansuar nga Qeveria në korrik 2024, e cila ka për qëllim mbështetjen e bashkatdhetarëve që duan të kthehen dhe investojnë në vendin tonë.

Të dyja palët vlerësuan bashkëpunimin e deritanishëm dhe shprehën vullnetin që bashkëpunimi të vazhdojë edhe në të ardhmen.