Një ditë pas deklaratave të Ndihmës-sekretarit amerikan të shtetit, James O’Brien se nëse ShBA-të nuk trajtohen si partner, as ata nuk do të trajtojnë Qeverinë e Kosovës si partnere, kanë reaguar zyrtarë qeveritarë.

Ministri i Financave, Hekuran Murati, tha se Kosova është partner i përkushtuar dhe koordinohet me aleatët.

Ai në konferencë për medie, pas mbledhjes së qeverisë, tha se sa i përket qëllimeve që duan të arrijnë përmes rregullores së BQK-së nuk kanë asnjë dallim me aleatët, por dallimet ekzistojnë vetëm sa i përket periudhës tranzitore për informimin e komunitetit serb në Kosovë.

Ai ka fajësuar Prokurorinë Speciale pse s’po forcohet argumenti para ndërkombëtarëve se Serbia me dinarët që i transferonte në Kosovë sponsorizonte edhe grupet terroriste.

Krahas kësaj, Murati duke folur për trevjetorin e ardhjes në pushtet, tha se si qeveri kanë bërë më shumë sesa të gjitha ish qeveritë e kaluara bashkë.

Sipas tij, gjatë këtyre tri viteve janë hapur mbi 60 mijë vende të reja të punës, ku siç thotë, 20 mijë janë vetëm për shkak të masave qeveritare.

Në anën tjetër, ministrja e Drejtësisë, Albulena Haxhiu, tha se në dikasterin e saj sfidë ka qenë jetësimi i reformës në drejtësisë, ku shtoi se pengesë për këtë po janë institucionet e drejtësisë.

Lajmi i plotë në sistemin me parapagim...