Kriza energjetike dhe lufta në Ukrainë do të ndihen në tavolinat e restoranteve të shumta gjermane këtë dimër.

Mishi i patës, të cilin gjermanët e hanë tradicionalisht rreth Krishtlindjeve, është bërë mjaft i shtrenjtë dhe nuk ka mjaftueshëm - edhe për shkak të gripit të shpendëve.

Prandaj, më shumë se tre të katërtat e restoranteve përfshijnë alternativa më të lira në menytë e tyre dhe zgjedhjet më të njohura janë gjahu, rosat ose viçi, njoftoi Shoqata e hoteleve dhe restoranteve Dehoga.

"Shumë më pak pata u rritën dhe u majmur këtë vit," tha Herbert Dormann (Dohrmann), president i Shoqatës Gjermane të Kasapëve.

“Gripi i shpendëve ka dalë vërtet jashtë kontrollit dhe lufta në Ukrainë e ka bërë ushqimin mjaft të shtrenjtë”.

“Vetëm këtë verë, 40.000 pata u vranë në Gjermani për shkak të gripit të shpendëve”, tha Dieter Oltmann, drejtor i Shoqatës së Industrisë së Shpendëve të Saksonisë së Ulët, ku janë vrarë 16.000 kafshë dhe këtë po e ndjejnë edhe restorantet.

Përveç çmimeve më të larta të blerjes së ushqimeve, pronarët e restoranteve luftojnë edhe me energjinë e shtrenjtë.

Hulumtimi i Dehogës tregoi se këto janë tani problemet më të mëdha për pothuajse 90 për qind. Në një studim të mëparshëm, shumë restorante thonë se mund të kalonin të paktën pjesërisht kostot më të larta për mysafirët. Tani, vështirë se dikush mund.

Në tetor, shitjet ishin ende pothuajse 10 për qind më të ulëta se përpara pandemisë, në të njëjtin muaj në 2019. Pronarët e pothuajse një të pestës së kompanive thanë se do të kishin pushuar së punuari pa mbështetjen e qeverisë. Parashikimet për javët e ardhshme të pushimeve janë të rezervuara.