Kandidati për deputet nga radhët e Lidhjes Demokratike të Kosovës, Besim Mulaj ka përkujtuar presidentin historik Ibrahim Rugova, në 19-vjetorin e vdekjes.

Bashkë me zyrtarë të lartë të LDK-së, ai ka bërë homazhe pranë varrit të Rugovës, duke e kujtuar atë si personalitet që la gjurmë të pashlyeshme në historinë botërore.

“Me përmasat e tij unike, Dr. Rugova vazhdon të jetë simbol i qetësisë, urtësisë dhe vizionit të largpamës për Kosovën. Edhe me vdekjen e tij, ai bëri që mbi 100 delegacione nga mbarë bota të bashkoheshin në tokën tonë për të nderuar një lider të veçantë, i cili u bë lajm në çdo anë të globit”, tha Mulaj.

Ai tha se filozofia e presidentit Rugova mbetet themelore për ndërtimin dhe ruajtjen e shtetit.

“Dr. Rugova na mësoi se “Shtëpia pa miq nuk mbahet” – një mesazh që sot është më i rëndësishëm se kurrë më parë. Si komb, si shtet, ne kemi nevojë për mençurinë dhe qasjen e tij që lidhte zemrat e shqiptarëve me miqësinë ndërkombëtare. Në këto momente të sfidave, angazhimi për të qenë të palëkundur në rrugën dhe filozofinë e tij është i domosdoshëm. Kosova ka nevojë për qetësinë dhe vizionin e tij për të ndërtuar ura bashkëpunimi dhe për të ruajtur paqen si vlerë supreme”, shkroi Mulaj në Facebook.

Artikull i sponsorizuar