Kombëtarja e Kosovës e ka zhvilluar sot seancën e tretë stërvitore para ndeshjes miqësore të këtij muaji kundër Norvegjisë.

Pjesë e përgatitjeve ishte edhe ylli i Llapit, Muhamet Hyseni. Pas stërvitjes si tha se po shpreson në paraqitje të mirë dhe rezultat të kënaqshëm kundër Norvegjisë, raporton KosovaPress.

“Atmosfera në ekip është mjaft e mirë dhe grupi po punon shumë mirë së bashku. Sot ishte seanca e tretë stërvitore, kemi kaluar shumë mirë dhe grupi po funksionon mirë. Trajneri po punon në aspektin taktik dhe po përgatitemi maksimalisht për miqësoren me Norvegjinë. Shpresoj të paraqitemi mirë dhe me një rezultat të kënaqshëm për ne. Shpresoj që në Oslo të na presin një numër i madh i bashkatdhetarëve sepse kemi nevojë për përkrahjen e tyre për t’u paraqitur sa më mirë”, tha Hyseni.