Aleksandar Radovanoviq, sekretar i përgjithshëm i Lëvizjes së Qytetarëve të Lirë në Serbi,ka shpërndarë disa foto për të cilat thekson se janë ngjitur si posterë para furrës së bukës së një shqiptari në Krushevc, në Serbi.

Përveç kësaj, në foto shkruan në gjuhën serbe: “Mos e harro Gazimestanin. Mos bli te shqiptarët”.

Në poster përdoret termi “Shiptari”, term ky pezhorativ që serbët e përdorin ndaj shqiptarëve.

Përmes një postimi në rrjetin social X, Radovanoviq shkruan se personi që e ka bërë këtë duhet të dënohet publikisht për nxitje të urrejtjes kombëtare.

“Posteri që u ngjit sot në Krushevc, para furrës së bukës që e mban një shqiptar. Politika e masave reciproke ndaj shqiptarëve në Serbi duhet të dënohet publikisht dhe të ndalet, ndërsa ai që e ka menduar dhe organizuar këtë duhet të mbahet përgjegjës, në përputhje me ligjin, për nxitjen e urrejtjes kombëtare”, ka shkruar ai në X.

Postimin e tij e ka shpërndarë në profilin e saj në X, Natasha Kandiq themeluese e Fondit për të Drejtën Humanitare në Serbi. Ajo ka ftuar edhe studentët që po protestojnë prej muajsh, të mblidhen para kësaj furre të bukës për të treguar solidaritet dhe që janë kundër veprimeve etno-nacionaliste.

“Mblidhuni para furrës së bukës në Krushevc, tregoni solidaritet dhe se jeni kundër të gjitha veprimeve etno-nacionaliste”, ka shkruar Kandiq.

Kad pogledate ko bi glasao za kamen za kupus samo protiv Vučića, najčešće dođete do ljudi koji su ranije glasali za:
Dveri,
Zavetnike,
Nestorovića,
Jeremića,
Gajića,
Preletačevića...

— Aleksandar Radovanović (@Aledar989) July 4, 2026