Ministri Maqedonci takon komandantin shqiptar të marinës amerikane USS Pearl Harbor
Drejtat Autoriale
Lexohet për: 1 min.
Dëgjoje me zë...
Ministri Maqedonci takon komandantin shqiptar të marinës amerikane USS Pearl Harbor
Ministri i Mbrotjes i Kosovës Ejup Maqedonci, së bashku me zëvendësministrat e Mbrojtjes, Gegë Lleshin dhe Enis Kervan, sot u takuan me komandantin e anijes amfibe zbarkuese USS Pearl Harbor, Alban Dervishi, oficer i Forcave Detare të Shteteve të Bashkuara të Amerikës me prejardhje shqiptare.
Gjatë takimit, ministri Maqedonci vlerësoi lart përkushtimin, profesionalizmin dhe suksesin e komandant Dervishit, duke theksuar se ai përfaqëson një shembull të fuqishëm të rolit gjithnjë në rritje të shqiptaro-amerikanëve në institucionet e sigurisë dhe mbrojtjes së SHBA-së.
Nga ana e tij, komandant Alban Dervishi u shpreh se ndihet i nderuar për vizitën në Kosovë, duke vlerësuar arritjet e vendit, veçanërisht në zhvillimin dhe avancimin e sistemit të mbrojtjes.
Ministri Maqedonci e falënderoi për vizitën dhe ritheksoi mirënjohjen e Kosovës për mbështetjen e vazhdueshme të Shteteve të Bashkuara të Amerikës, duke theksuar se SHBA-ja mbetet aleati strategjik dhe i pazëvendësueshëm i vendit.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
