Ne kemi për detyrë të vazhdojmë luftën tonë kundër trafikimit të qenieve njerëzore dhe të sigurojmë rrugë ligjore për migrimin, deklaroi sot ministri i Migracionit dhe Azilit Dimitris Kairidis, në ceremoninë e dorëzimit të Presidencës së Qendrës Ndërkombëtare për Zhvillimin e Politikave të Migracionit (ICMPD) nga shteti i Turqisë te Greqia.

Kairidis deklaroi se Greqia do të merr presidencën e ICMPD në një moment shumë vendimtar, kur mjedisi ndërkombëtar po goditet vazhdimisht nga kriza të reja.

Ai vuri në dukje se përpjekjet për çrrënjosjen e trafikimit të paligjshëm duhet të vazhdojnë, në bashkëpunim si me vendet evropiane, ashtu edhe me vendet e origjinës dhe transitit të migrantëve, duke garantuar gjithashtu se ka rrugë ligjore për migracionin, të cilat bazohen në nevojat e ekonomive evropiane.

"Kjo është ajo që mbron politika greke e migracionit dhe ky është roli dhe "slogani" i Presidencës greke. Ne besojmë në një politikë të zgjidhjeve evropiane të bazuara në vlerat evropiane dhe interesat e përbashkëta evropiane,” tha ai.

Një ngjarje për këtë rast po zhvillohet të mërkurën në Residence Palace në Bruksel me temën "Një qasje holistike për marrëdhëniet e balancuara të migracionit", me folës që përfshijnë nënpresidentin e Komisionit Evropian Margaritis Schinas, komisioneren e BE-së për Çështjet Evropiane Ylva Johansson. dhe Kairidis./ANA-MPA