“Sky Sport Italia” pretendon se Chelsea nuk do të pranojë më pak se 43 milionë euro për Romelu Lukakun, por Milani dhe Napoli shpresojnë që çmimi i sulmuesit të ulet gjatë verës.

Lukaku është shfaqur si një objektiv për Milanin dhe Napolin, por ndërsa kuqezinjtë tashmë mund të investojnë në një qendërsulmues të ri, Napoli duhet të shesë Victor Osimhen për t'i lënë vend sulmuesit belg, raporton KosovaPress.

Chelsea e ka bërë të qartë që nuk do ta ulë çmimin e Lukakut për Milanin apo Napolin.

Kishte raporte se Chelsea do ta shiste Lukakun për 30 milionë euro, por sipas “Sky Italia”, çmimi i sulmuesit është ende rreth 40 milionë euro. Praktikisht, Chelsea ende kërkon të gjithë klauzolën prej 43 milionë eurosh për ta lënë Lukakun të largohet në verë.

“Sky” këmbëngul se as Napoli dhe as Milan nuk janë të gatshëm të paguajnë aq shumë, kështu që ata shpresojnë që kërkesat e Chelseat të ulen gjatë afatit kalimtar të verës.

“Sky” raporton se Milani mund të presë deri në fund të afatit kalimtar për të provuar ta huazojë Lukakun, siç bëri Roma sezonin e kaluar. Megjithatë, mbetet për t'u parë nëse trajneri Paulo Fonseca mund të presë kaq gjatë para se të mirëpresë një qendërsulmues të ri.