Sonte me fillim nga ora 21:00 stadiumi “San Siro” do të jetë nikoqir i çerekfinales italiane të Ligës së Evropës mes Milanit dhe Romës.

Në fazën e eliminimit direkt, Milani e eliminoi Sparta Praguen me shifrat 7:3, kurse Roma e eliminoi Brightonin 4:1, raporton KosovaPress.

Takimi i fundit mes këtyre skuadrave daton në janar të këtij viti, ku asokohe Milani e mposhti Romën 3:1.

Sa i përket ndeshjes së sotme, te Milani mungojnë Kalulu, Mirante, Pobega dhe Tomori, kurse te Roma nuk do të paraqiten Azmoun, Huijsen, Kristensen dhe Ndicka.

Tanimë formacionet zyrtare janë publikuar dhe ato i gjeni më poshtë.

Milan (4-2-3-1): Maignan; Hernandez, Thiaw, Gabbia, Calabria; Reijnders, Bennacer; Leao, Loftus-Cheek, Pulisic; Giroud

Roma (4-3-3): Svilar; Celik, Smalling, Mancini, Spinazzola; Pellegrini, Cristante, Paredes; El Shaarawy, Lukaku, Dybala