Sipas “20min.ch”, ish-trajneri i FC Zurich, Andre Breitenreiter është kandidati serioz për postin e trajnerit të Kombëtares së Kosovës.

Ndërsa ka spekulime se ekziston një marrëveshje mes Breitenreiter dhe Federatës së Futbollit të Kosovës (FFK), thuhet se bisedime serioze janë zhvilluar mes dy palëve, raporton KosovaPress.

Është e mundur që një takim do të mbahet mes Breitenreiter dhe FFK-së gjatë ditëve në vazhdim.

Ish-trajneri i disa skuadrave gjermane thuhet të jetë kandidati serioz për ta zëvendësues sllovenin Primoz Gliha, i cili ishte në krye të “Dardanëve” si trajner i përkohshëm që nga muaji shtator.

Breitenreiter është i pa punë që nga muaji shkurt, kur u shkarkua nga skuadra gjermane, Hoffenheim.

Breitenreiter ka drejtuar skuadrat e njohura si Paderborn, Hannover, Schalke dhe Hoffenheim, ndërsa në verën e vitit 2021 morri detyrën e trajnerit të Zurich, me të cilin edhe e fitoi titullin e Superligës së Zvicrës.

Breitenreiter veçse i njeh disa nga emrat e Kombëtares së Kosovës, duke përfshirë Fidan Alitin dhe Mirlind Kryeziun, të cilët ishin pjesë e skuadrës së tij te Zurich.