Mbrëmja e sotme në çerekfinalet e Champions League ka marrë një kthesë dramatike në "Santiago Bernabéu", ku Bayern Munich ka arritur të thyejë bllokadën e Real Madridit në minutën e 40-të.

Pas një beteje të ashpër dhe pritjeve heroike të Neuer në fillim, bavarezët realizuan një kundërsulm perfekt: Serge Gnabry shërbeu mjaft mirë për Luis Diaz, i cili me një gjuajtje precize nga afërsia e dërgoi topin në këndin e poshtëm të djathtë, duke kaluar Bayernin në epërsi 0-1.

Në anën tjetër, sfida mes Sporting CP dhe Arsenalit mbetet e hapur dhe shumë e luftuar në mesfushë. Ndonëse të dyja ekipet kanë goditur shtyllat respektive përmes Araujo dhe Madueke, rrjetat ende nuk janë tundur. "Topçinjtë" po hasin vështirësi për të depërtuar në mbrojtjen portugeze.