Policia e stacionit në Shtërpcë në planin aktiv, "Mbrojta e Pyjeve", pas disa informacioneve mbrëmë rreth orës 19:00 në fshatin Drajkovc ka ndaluar një automjet, furgon që po transportonte dru ilegalisht nga malet e Shtërpcës.

Në njoftim thuhet se policia i ka marrë veprimet e nevojshme, ka konfiskuar automjetin  për dokumentacion të parregullt për procedura të mëtejme, ndërsa ka njoftuar edhe zyrtarët për mbrojtjen e pyjeve nga Agjencia Pyjore e Kosovës.

“Policia e stacionit në Shtërpcë, veç aktiviteteve rutinë dhe atyre të planifikuara, bazuar në planin aktiv "Mbrojta e Pyjeve", pas disa informacioneve që ka siguruar, mbrëmë rreth orës 19:00 në fshatin Drajkovc ka ndaluar një automjet furgon që po transportonte dru ilegalisht nga malet e Shtërpcës. Policia i ka marrë veprimet e nevojshme, ka konfiskuar automjetin  për dokumentacion të parregullt për procedura të mëtejme, ndërsa ka njoftuar edhe zyrtarët për mbrojtjen e pyjeve nga Agjencia Pyjore e Kosovës, të cilët kanë dalë në vendin e ngjarjes dhe kanë shqiptuar fletëparaqitje ndaj personit për transport ilegal dhe drutë më pas i kanë konfiskuar. Policia Rajonale e Ferizajt, po bënë përpjekje të vazhdueshme në bashkëpunim edhe me rojet e pyjeve në parandalim të prerjes, transportit dhe shitjes ilagele të druve”, thuhet në njoftimin e policisë.

Policia ka ftuar qytetarët për bashkëpunim, nëse kanë informacione rreth prerjes, transportit apo shitjes ilegale të druve. Ata luten ta njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406, policia do të reagojë menjëherë.