Mbi gjysma e kryetarëve të komunave në vend refuzojnë Kurtin
Lexohet për: 2 min.
10 muaj më parë
Linku u kopjua
Në vendin tonë janë 38 komuna, ndërsa vetëm 15 kryetarë komunash nga 28 sa e kishin konfirmuar pjesëmarrjen, ishin prezentë sot në takimin e thirrur nga kryeministri i Kosovës, Albin Kurti dhe ministri i Administrimit Lokal dhe Pushtetit, Elbert Krasniqi. Pas takimit rreth dy orë, Krasniqi tha se u diskutua për problemet specifike të komunave.
Ndërkaq, i pyetur nëse po zvarritet procesi për zgjidhjen e kryetarëve të komunave në veri të vendit, Krasniqi potencoi se një gjë e tillë nuk po ndodhë sipas tij. Ai theksoi se të gjitha nënshkrimet që kanë kërkuar largimin nga funksioni i kryetarit janë dorëzuar në Komisionin Qendror Zgjedhor (KQZ), për çka shtoi se u takon atyre për të marrur një vendim
Krasniqi, të rëndësishëm e vlerësoi faktin që për herë të parë janë ndarë 742 milionë euro për nivelin lokal, për çka shpreson që projektet të ndikojnë drejtpërdrejt në jetën e qytetarëve.
Ndërkaq, para se të fillonte takimi i mbyllur mes Kurtit, Krasniqit dhe kryetarëve e përfaqësuesve të komunave, u tha se ndër çështjet kryesore për të cilat do diskutohet janë regjistrimi i popullsisë dhe problemi me qentë endacak./Z. Zeneli/
