Mbi 22 mijë të vrarë nga lufta në Gaza
Të paktën 22,438 palestinezë janë vrarë dhe 57,614 të tjerë janë plagosur në sulmet izraelite në Rripin e Gazës që nga 7 tetori, thanë autoritetet shëndetësore të enjten.
“Fëmijët dhe gratë përbëjnë 70% të viktimave”, tha zëdhënësi i Ministrisë së Shëndetësisë Ashraf al-Qudra në një deklaratë.
Ai shtoi se 125 persona janë vrarë dhe 318 të tjerë janë plagosur në sulmet izraelite në 24 orët e fundit.
Sipas zëdhënësit, 326 mjekë u vranë, 121 ambulanca u shkatërruan dhe 30 spitale dhe 53 qendra të kujdesit shëndetësor dolën jashtë shërbimit nga sulmi izraelit që nga 7 tetori.
Al-Qudra tha se 99 mjekë mbeten në paraburgim izraelit.
Izraeli ka nisur sulme të pamëshirshme ajrore dhe tokësore në Rripin e Gazës pas një sulmi ndërkufitar nga grupi palestinez Hamas më 7 tetor, shkruan BBC, transmeton KosovaPress.
Gati 1200 izraelitë besohet se janë vrarë në sulmin e Hamasit.
Sulmi izraelit e ka lënë Gazën në gërmadha, me 60% të infrastrukturës së enklavës të dëmtuar ose shkatërruar dhe gati 2 milionë banorë të zhvendosur mes mungesës akute të ushqimit, ujit të pastër dhe ilaçeve.
