Në shenjë nderimi dhe respekti për prokurorin special të ndjerë Enver Krasniqi, për kontributin e tij në sistemin e drejtësisë, Këshilli Prokurorial i Kosovës, në bashkëpunim me Prokurorinë Speciale, organizoi sot turneun memorial të futbollit në të cilin morën pjesë ekipe nga institucionet e drejtësisë.

Blerim Isufaj, kryeprokurori i Prokurorisë Speciale të Kosovës, tha se qëllimi i këtij turneu është përkujtimi i një njeriu shumë të çmuar, i cili ka dhënë kontribut jashtëzakonisht të madh për sistemin prokurorial dhe ka lënë gjurmë të pa shlyera në sistemin e drejtësisë.

Isufaj ka përkujtuar se prokurori Enver Krasniqi ishte adhurues i madh i sportit.

Nga Zyra e Kryeprokurorit të Shtetit, Valdet Dumani, tha se ky organizim synohet të bëhet tradicional.

Dren Kaqandolli nga Departamenti për hetimin e krimeve të luftës ka folur mbi punën dhe angazhimin profesional të prokurorit Enver Krasniqi.

Prokurori Enver Krasniqi ndërroi jetë para katër vjetësh, pas një sëmundje të shkurtër.  

Lajmi i plotë në sistemin me parapagim.

• 

• 

•