“Marca” fut në listën speciale Modricin, ja çmimi që do ta pranojë ylli i Realit nga mediumi spanjoll
Lexohet për: 1 min.
3-Modric
2 vite më parë
Linku u kopjua

Mesfushori kroat Luka Modric do të pranojë çmimin e “Legjenda e Marcas” nesër, çmim ky që dhurohet nga mediumi spanjoll “Marca” për arritjet e jashtëzakonshme të sportistëve më të veçantë në botë.

Modric do t'i bashkohet asaj që është padyshim një nga listat më të jashtëzakonshme të sportistëve të gjitha kohërave, përcjell KosovaPress.

Ndër sportistët e njohur që më herët e kanë fituar çmimin në fjalë janë Michael Jordan, Lionel Messi, Muhammad Ali, Cristiano Ronaldo, Fernando Alonso, Rafael Nadal, Ronaldo Nazario, Pele, Niki Lauda dhe Johan Cruyff.

Ngjarja do të zhvillohet nesër me fillim nga ora 17:30, në Casino de Madrid, ku kjo e fundit pritet të jetë e mbushur me yje të mediave dhe personalitete të ndryshme sportive.

Përgjatë aventurës së tij me Real Madridin, Luka Modric ka fituar plot katër herë trofeun e Ligës së Kampionëve dhe tre herë atë të La Ligas, ndërsa edhe e fitoi Topin e Artë në vitin 2018.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025